UKIMWI WA PUNGUA TANZANIA,,

 

 

 NA; MAKALIBLOG; MUSOMA

IMEELEZWA kiwango cha maambukizo ya VVU nchini kimepungua kutoka asilimia 7 mwaka 2003 mpaka asilimia 5.1 mwaka 2017 hali inayopelekea Tanzania kuwa miongoni mwa nchi zilizo na kiwango cha chini cha maambukizo ya kati ya nchi za kusini mwa jangwa la sahara.

 

Taarifa hiyo iliyoandaliwa na wadau wa utafiti wa viashiria na matokeo ya ugonjwa wa UKIMWI nchini ambapo ilisomwa na mkuu wa mkoa wa Mara Charles Mlingwa  hivi karibuni wakati akifanya uzinduzi wa utafiti huo mkoani hapa, kwamba mkutano huo uliwahusisha wadau hao wa sekta ya afya uliofanyika katika ukumbi wa uwekezaji ofisi ya mkoa huo.

 

‘’Utafiti wa aina hii ni wa nne kufanyika hapa nchini unaoangalia masuala ya afya ambapo utafiti wa kwanza ulifanyika mwaka 2003/2004,wa pili ulifanyika mwaka 2007/2008 na utafiti wa tatu ulifanyika mwaka 2011/2012 ambapo tafiti hizi zilikuwa zikihusisha wananchi wenye umri wa miaka 15 na 19’’alisema.

 

Alisema utafiti wa mwaka 2016/2017 ni wa kipekee kwani kwa mara ya kwanza unahusisha wananchi wa rika zote katika kaya zilizo chaguliwa sambamba na hilo utakuwa ni utafiti wa kwanza kukusanya taarifa zinazohusiana maambukizo ya VVU kiwango cha vvu mwilini kwa wanaoishi na vvu wastani wa maambukizo ya vvu kwa watu wa rika zote na wingi wa chembechembe za kinga mwilini(CD4 T-Cell count)

 

‘’Utafiti huu utaangalia pia kuwepo kwa viashiria vya usugu wa dawa,kiwango cha maambukizo ya kaswende na homa ya ini(Hepatitis B na C) kwa watu wenye umri wa miaka 15 na Zaidi,pamoja na hayo,utafiti huu utakusanya taarifa za upatikanaji na utumiaji wa huduma zilitolewazo katika kudhibiti maambukizo ya vvu na UKIMWI’’alisema Mlingwa.

Rc Mlingwa alisema takwimu ya mwaka 2012 zinaonyesha robo ya wasichana nchini wenye umri wa mwaka 14 na 17 walikuwa wamejifungua angalau mara moja lakini mikoa inayoongoza kwa tatizo hili imetajwa kuwa ni Katavi asilimia 27.6 na Rukwa asilimia 24.5 na kwamba tatizo hili pia lipo mkoani hapa linastahili kushughulikiwa.

 

Aidha alisma takwimu hizi zitasaidia kuboresha juhudi kubwa zinazofanywa na serikali za kusogeza huduma zinazohusiana na vvu kama vile huduma ya upimaji wa virusi vya ukimwi bure kwenye vituo vya kutolea huduma ya afya vya serikali

 

Huduma ya kupunguza maambukizo ya virusi vya ukimwi kutoka kwa mama kwenda kwa mtoto (PMTCT) na utoaji wa dawa za kupunguza makali ya virusi hivyo zinazojulikana kama ARV.

 

Kutokana na taarifa hiyo mkuu huyo wa mkoa huo aliwataka wananchi kuwapokea watafiti punde tu watakapofika maeneo yao na kutoa ushirikiano wa karibu kwa wadadisi hao ili kufanikisha zoezi hilo muhimu kwa taifa letu.

 

Kwa upande wake afisa mawasiliano na uhamasishaji jamii Mihayo Bupamba alisema utafiti utafanywa na wauguzi wote nchini waliochaguliwa kwa sheria ambapo watatumia teknolojia kwa kudodosa na kompyuta,ipadi chombo kidogo chepesi kinachomrahisishia mkusanyaji kupata taarifa.

 

‘’Mkoa wa Mara sampuli imechaguliwa maeneo 12 ambayo ni wilaya ya Tarime kijiji cha  Mangucha,Tarime dc Kata Nyamaranga kijiji Gitagasembe,wilaya Serengeti  kata Ring’wani kijiji Nyamitita,Musoma dc kata Mugango kijiji Kwibara, Bunda dc Kata Igundu kijiji Igundu, Rorya kata Nyahongo kijiji Ryagati, Rabour Oliyo,Butiama kata Buswahili kijiji Wegero,Butiama dc Nyegina kijiji Mkirira, Bunda mjini  Kata Kabarimu Musoma manispaa Kamunyonge uwanja wa ndenge’’alisema.

Mwisho.