WAZIRI WA ULINZI DKT RHIMO NYANSAHO AMWAKILISHA WAZIRI MKUU HARAMBEE UJENZI WA OFSI KANISA LA WASABATO JIMBO LA NORTH FIELD.

 

Waziri wa Ulinzi na Jeshi la Kujenga Taifa, Dkt. Ryimo Nyansaho, ameongoza harambee iliyofanikisha kukusanya shilingi milioni 641 kwa ajili ya kuchangia ujenzi wa ofisi ya Kanisa la Waadventista Wasabato (SDA) Jimbo jipya la North Mara Field.

Waziri Nyansaho ambaye amemwakilisha Waziri Mkuu, Dkt. Mwigulu Nchemba na ujumbe wake, wamechangia shilingi miloni 82 katika changisho hilo ambalo limefanyika leo Aprili 11, 2026 katika Kanisa la SDA Kibumaye, nje kidogo ya mji wa Tarime.

Washiriki kutoka makanisa yote ya SDA ya jimbo hilo na wadau wengine wamechangia shilingi milioni 559.

“Inaonekana nimekuja na mibaraka, kwa jinsi matoleo ya leo yalivyokwenda, ujenzi wa jengo la ofisi ya SDA North Mara Field utakamilika na jengo litasimama,” Waziri Nyansaho amesema katika sehemu ya hotuba yake fupi.

Waziri Nyansaho amefuatana na viongozi mbalimbali, wakiwemo mfanyabiashara maarufu Kanda ya Ziwa ambaye pia ni Mjumbe wa Halmashau

ri Kuu ya CCM Taifa (NEC) Mkoa wa Mara, Christopher Mwita Gachuma, Mkuu wa Mkoa wa Mara, Kanali Evans Mtambi na Mkuu wa Wilaya ya Tarime, Meja Edward Gowele.

Askofu wa Kanisa la SDA Jimbo la North Mara Field, Dkt. Benjamin Ngalama Biha, amemshukuru Waziri Nyansaho na viongozi wengine kwa kushiriki katika changizo hilo.

Ujenzi wa jengo la ofisi ya SDA Jimbo la North Mara Field ambalo litakutwa la ghorofa mbili, unatarajiwa kufanyika kwa miaka miwili kuanzia mwaka huu, kwa mujibu wa taarifa ilisomwa kwa Waziri Nyansaho.

Aidha, ujenzi huo unatarajiwa kugharimu shilingi bilioni 3.5, ilisema sehemu ya taarifa hiyo.