WANANCHI MUSOMA VIJIJINI WAJITOLEA UJENZI WA ZAHANATI.

Wananchi wakiwa pamoja na Mbunge wa Jimbo hilo mara baada ya kikao cha pamoja kujadili maendeleo

Jimbo la Musoma Vijijini lenye Vijiji 68 na Kata 21 limeanza utekelezaji wa ujenzi wa  zahanati kila kijiji ikiwa ni utekelezaji wa Ilani ya chama cha mapinduzi.

Jimbo hilo la musoma vijijini lina Zahanati 29 zinazotumiwa kwa matibabu na Zahanati mpya 9 zinajengwa kwa kutumia michango na nguvu za wananchi wakishirikiana na Ofisi ya Mbunge wa Jimbo (Prof Sospeter Muhongo) .

Mbunge wa Jimbo alifanya zaiara jimboni humo akishirikiana na ameshirikiana na Madiwani pamoja na Wakazi wa Kijiji cha Kurwaki nakufanikiwa  kuchangia mifuko ya saruji zaidi ya 350 kwa ajili ya ujenzi wa Zahanati ya Kijiji cha Kurwaki.

Kijiji cha Kigera Etuma kimeamua kujenga zahanati kijiji ni baada ya kukosa kituo cha afya na Zahani kwa muda mrefu jambo ambalo limepelekea wananchi wa kijiji hicho kutembea umbali takribani Km 5 hadi saba kutafuta huduma katika kata jirani.

“Ambapo sasa  Jengo la Matibabu (OPD) limekamilika kwa Asilimia 80 na nyumba ya Mganga na Muuguzi (two in one)  inajengwa kwa kasi kubwa sana. Lengo ni kukamilisha ujenzi wa majengo hayo 2 ifikapo Desemba 2018” alisema Diwani wa kata ya Nyakatende.

Aidha  Wachangiaji wa ujenzi wa Kijiji cha Kigera Etuma ni Wafadhili na Wakazi wa Kijiji hicho  Mbunge, Madiwani na Wananchi wamechangia misumari, nondo na mifuko 150 ya saruji.