NIMEKUWEKEA STORY NA MATUKIO SIKU YA SHERIA MUSOMA;

KATIKATI MKUU WAWILAYA YA MUSOMA VICENT NAANO MWENYE JOHOO NI KAIMU HAKIM MFAWIDHI KARIM MUSHI PEMBENI NI MSTAIHIKI MEYA MANISPAA YA MUSOMA KAPTENI WILIAM GUMBO. WAKIWA KATIKA MAADAMANO SIKU YA SHERIA MKAONI MARA.

Kufuatia gharama za kufungulia mashauri katika mabaraza  ya aridhi na nyumba kuwa kubwa,kunachangia kukithiri kwa migogoro ya kijamii isiyoisha na mauaji ya kinyama na kisasi,imeelezwa.

 

Hayo yalielezwa na mwanasheria mwandamizi kutoka chama cha mawakili wa Tanganyika(TLS) Ostack Mligo wakati akihutubia kwenye mkutano wa maadhimisho ya siku ya sheria nchini,katika viwanja vya mahakama ya Mkoa wa Mara mjini Musoma jana.

 

Mligo alisema kutokana na gharama za kufungua mashauri katika mahakama zote kuwa kubwa kulingana na thamani ya mali,zimekuwa zikiwafanya wananchi walio na kipato cha chini kutofungua mashauri kwa kukosa ada za kulipia mahakamani,na kuishia kupambana katika ngazi za kifamiliya na koo.

 

Alisema kwa kuwa serikali inazungumzia usikilizwaji wa mashauri kwa muda mfupi kwa lengo la kukuza uchumi ni vema wakaangalia gharama za ufunguaji wa mashauri ili kila mwananchi mwenye tatizo awe na uwezo wa kuzimudu .

 

Kwa upande wake hakimu  mkazi mfawidhi,kaimu hakimu wa mkoa Karimu Mushi alisema katika kutoa maamuzi ya mashauri mbalimbali kumekuwepo na changamoto za kisheria na wadau ambazo ni vifungu vya sheria namba 98 na 225 vya sheria za mwenendo wa jinai.

 

Mushi alisema vifungu hivyo havielezi ukomo wa upande wa mashtaka kurudisha shauri mahakamani pale linapokuwa limefutwa ama kuondolewa kutokana na kukosekana kwa ushahidi,na kwamba upande wa mashtaka unao uwezo wa kurudisha shauri hilo mahakamani zaidi ya mara kumi,jambo ambalo limekuwa likiwachanganya walalamikiwa.

 

Alisema kufuatia adha hiyo walalamikiwa wamekuwa wakipoteza muda mwingi kuhudhuria mahakamani na kushindwa kushiriki kikamilifu katika shughuli za ukusji wa uchumi.

 

Kwa upande wake mgeni rasmi kaimu Mkuu wa Mkoa,ambae ni Mkuu wa Wilaya ya Musoma Dkt. Vicent Naano alisema katika kusimamia sheria serikali na mahakama zinategemeana na ndio maana serikali inahimiza mashauri yamalizike kwa wakati ili wananchi waweze kufanya shufhuli za kujiingizia kipato na kukuza pato la taifa.

 

Dkt.Naano alisema atahakikisha mapungufu yaliyotajwa anayafanyia kazi na majibu yake kuonekana ili kuweza kumaliza dosari zitokanazo na muhimili wa sheria ikiwa ni pamoja na kusogeza huduma ya mahakama ya aridhi na nyumba karibu na wananchi .