MVUA ZILIZOANZA KUNYESHA MKOA WA MARA ZALETA MADHARA KWA WANANCHI NA TAASISI

 sipicha hali ya tukio

Rorya. 

Wakati mvua zinazoanza kunyesha nchini zikiwa ni za kwanza baada ya kipindi kirefu za cha kiangazi, zimeambatana na upepo mkali na kusababisha maafa katika shule ya sekondari Kisumwa nashule ya Msingi Nyancha kuezuliwa na baadhi ya majengo kubomoka.

Mkuu wa Wilaya ya Rorya, Simion Chacha ambaye pia ni mwenyekiti wa maafa Wilayani hapa amesema kuwa katika shule ya sekondari Kisumwa majengo mawili ya maabara yameezuliwa na kuabomoka huku, chumba kimoja cha darasa kikibomoka kutaokana na upepo huo.

Amesema kuwa tukio hilo lilitokea januari 28 wakati ambapo hakuna wananfunzi shule kwa kuwa ilikuwa siku ya mwisho wa wiki ambapo hata hivyo serikali imeagiza idara husika kufanya tahithini za uhalibifu uliofanyika katika shule hizo.

“Tumefika pale na mkurugenzi tukaona mvua iliyonyesha jana (juzi) ikiambatana na upepo iliezua maabara moja, chumba kimoja cha darasa, choo, tumewakatuta bodi ya shule na kupeana na maagizo kuwa kesho (Jana) yaanze kukarabatiwa,” alisema DC Chacha.

Alisema kuwa mkurugenzi na wataalamu wake wataanza kufanya ukarabati ule mdogo ili kuwapa nafasi wananfunzi waenelee kusoma, lakini jengo la maabara litafanyiwa upembuzi wa kutosha na kujengwa upya kwani liliharibika vibaya.

Hata hivyo mkuu huyo wa Wilaya alisema bado tathimini ya uharibifu haijafahamika ili kufahamu kwa uhalisia wa hasara iliyosababishwa na na mvua hiyo ya upepo.

Diwani wa kata ya Kisumwa Mwita Malawa amewataka wananchi kuchangia nguvu kazi katika kurejesha hali nzuri ya majengo hayo kwa kuwafanya wanafunzi hasa madarasa yenye mitihani kupata sehemu ya kusomea na kujiandaa na mitihani yao.

Kwa upande wake mwananfunzi wa kidato cha nne Nice Joshua alisema ikiwa vyuma vya maabara havitakamilika kwa haraka huenda wakashindwa kufanya vizuri masomo ya vitendo.

“Tumeathirika kisaikolojia kwani sisi tuko kidato cha nne na tunategemea kufanya majaribio mengi ya kisayansi ili kuweza kufanya vizuri kwenye mitihani yetu inayohitaji vitendo,”alisema Joshua.

Kwa upande wake mkuu wa shule hiyo, Joshua John alisema hakuna madhara zaidi yaliyotokea kwa wananfunzi wanaoishi hapo shuleni kwani mabweni yao hayakuguswa na tufani hiyo
MAKALI NEWZ BLOG