WANDISHI MKOANI MARA WAWEZESHWA;

 

Na Ada Ouko,Musoma.

CHAMA cha ushirika akiba na mikopo Imara Saccos mjini Musoma kimeanzisha mfuko maalum kwa waandishi wa habari wajasiriamali mkoa wa Mara ili kuwasaidia kukopa fedha zitakazowawezesha kununua vitendea kazi na kufanya shughuli zao kwa ufanisi sambamba na hilo kutoa elimu ya ujasiriamali kwa wananchi.

Ufunguzi wa mfuko huo ulifanyika baada ya viongozi wa chama hicho kufanya kikao cha bodi ambapo walikubaliana kuanzisha mfuko huo na mifuko mingine ya kijamii kama mfuko wa wanawake ambao ni wajasiriamali wadogo mfuko wa wajasiriamali vijana pamoja na mfuko wa wazee waliostaafu kazi.

Kauli hiyo ilitolewa hivi karibuni na mwenyekiti wa chama hicho Boniphace Ndengo wakati akizungumza na waandishi wa habari ofisini kwake alisema mfuko wa wajasiriamali waandishi wa habari utawawezesha kununua nyenzo na zana zitakazo wasaidia kufanya shughuli zao ili wapate maendeleo binafsi na kukuza uchumi wa taifa.

‘’Tunafikiria kuongeza pesa kila wakati lakini kwa sasa tumeanza na milioni 2 hatuwezi kusubiri tupate pesa nyingi hizohizo kidogo tunazigawa ili tupate mtaji kwa hiyo hizi pesa zitakuwepo pale ilikuwezesha waandishi wa habari kununua vifaa vya kazi zao pia kutoa elimu ya ujasiriamali kwa wafanyabiashara wadogowadogo ili kukuza uchumi wao ‘’alisema.

Alisema ili kukopa katika mfuko huo lazima mwandishi wa habari aweze kutimiza masharti ambayo ni kuchangia shilingi 50,000 au zaidi kabla ya kuomba mkopo pesa itakayotolewa kila mwezi kwa miezi sita ataruhusiwa kuchukua mkopo ambao utatolewa na kurejeshwa bila riba,kiasi hicho cha fedha kitawezesha kukua kwa mfuko huo hatimaye kuwawekea akiba.

‘’Ili kufanya mfuko ule  kuwa mali yenu ni kwamba ile michango mtakayoitoa sisi tutaifanya kama hisa ili kusudi mfuko ukiwa na fedha ya ziada tunaweza kutoa hiyo ziada tuwalipe wana hisa wa mfuko maana yake kama mtu ajachangia hatakuwa na hisa pia hataweza kupewa mkopo’’alisema.

Ndengo aliwataka waandishi hao kuchagua kiongozi ambaye watamuamini ili kusimamia mfuko huo jambo ambalo walikataa na kusema kwakuwa chama hicho ndio kimewafungulia mfuko huo basi pia wawezekuwasaidia kuusimamia wenyewe.

 Agostino Mgendi ni miongoni mwa waandishi hao alishukuru kwa niaba ya wenzake alitaka kujua marejesho yanafanyikaje baada ya kukopa  pia kwa dharula  ya kiafya kwani waandishi hao wanatumia bima ya afya ambapo alijibiwa na mwenyekiti huyo kuwa fedha inayotolewa lazima ielezwe matumizi yake sambamba na hilo dharula itatolewa na kama kuna changamoto ya uchumi watasikilizwa.

Mwisho.