Baada ya jamaa Arusha kutoa siku 30 kwa wezi, ajiandaa kuvunja chungu

 

Tumezoea mtu akituhumiwa kwa wizi anapelekwa mahakamani lakini hii imekuwa tofauti kwenye mila za kabila la Wameru na wamasai Arusha Tanzania, ambapo mtu akikutwa na tuhuma kama za wizi kuna kitu kinaitwa kuvunja chungu. 

Utaratibu wa kuvunja chungu umezoeleka sana kwa makabila yakimeru na kimasai na huvunjwa baada ya makubaliano na huwa kinamhusu ambaye amehusika kama kwa tukio la wizi.

Unaambiwa zamani chungu kilikuwa kikivunjwa, ukoo uliovunjiwa chungu wataanza kufa mashangazi mpaka ukoo unaisha, sasa hivi kikivunjwa analengwa  mhusika au kama wawili walipanga kufanya tukio la wizi.

Sasa Katika kata ya Makuyuni wilaya ya Monduli Arusha Mohamedi Olodi amepanga kuvunja chungu kwa waliomvunjia duka lake na kuiba bidhaa na fedha zenye thamani ya zaidi ya Milioni 2.