MAKALINEWS.PROF.SOSPETER MUHONGO AONGEZA NGUVU UJENZI WA ZAHANATI YA NYASAUNGU.

Sehemu ya wananchi na viongozi wa jimbo wakiwemo madiwani na Mbunge wa jimbo

la musoma vijijini Prof.Sospeter Muhongo wakiwa katika picha ya pamoja.

katikati Ni mbunge wa Prof. Muhongo kushoto kwake akitoa maelekezo kwa Fundi aliyechukua dhamana ya kujenga Zahanati Ya Nyasaungu.

Diwani wa kata ya Ifulifu Manyama Meru akizungumza katika mkutano wa Hadhara.

Aliyevalia Tsheti ya Blue ni mbunge wa musoma vijijini akikagua ujenzi wa Zahanati.

Kaimu Mganga Mkuu wa Halmashauri ya Musoma Vijiji Dr.Thadeus Makwanda akizungumza katika mkutano. 

                                **MAKALINEWS** MARA.

Wananchi wa kijiji cha Nyasaungu katika Halmashauri ya wilaya ya Musoma Vijijini

mkoani Mara wamefanikiwa kupata zaidi ya mifuko 200 ya saruji

itayosaidia kuendeleza ujenzi wa kituo cha afya kilichokuwa kimesimama

takribani miaka mitatu kutokana na ukosefu wa fedha.

Kupatikana kwa mifuko hiyo kumetokana na ziara za mara kwa mara zinazotekelezwa na

mbunge wa wilaya hiyo Sospeter Muhongo ambaye amekuwa akitembelea

miradi mbalimbali ya maendeleo inayofanyika kwa nguvu za wananchi,

ambapo jana alikutana na wakazi wa kijiji hicho na kufanya harambee

kukusanya fedha zitazotumika kununua mifuko hiyo iliyochangiwa na

madiwani, viongozi mbalimbali wa halmashauri hiyo na wananchi wenyewe.

Awali mwenyekiti wa kamati ya ujenzi wa zahanati hiyo Magesa Chacha alisema

shughuli za ujenzi zilianza mwaka 2012 kuweka msingi lakini baadae

Halmashauri walipima eneo lile na kubomoa msingi mwaka 2014 kutokana na

sababu za kitaalamu za uhandisi ndipo wakahamia eneo jingine na

kufanikiwa kujenga msingi baada ya kupata maelekezo kutoka halmashauri.

wamekuwa wakitembea umbali mrefu mpaka kata ya Nyakatende na Nyasurula

“Wananchi kwa ajili ya kufuata matibabu lakini pia tulijitahidi kujenga zahanati

ya Kiemba kwa kushirikiana na wilaya ambapo pia iko mbali na kijiji

hiki, sasa hii zahanati ya Nyasaungu itakuwa karibu sana tumekusanya

mawe, mchanga lakini tunakabiliwa na ukosefu wa mifuko ya sementi zaidi

ya 150 ili kuanza ujenzi”alisema.

Kufuatia uwepo wa changamoto hiyo ya saruji Mbunge wa jimbo hilo Sospeter Mhongo aliyekuwa

ameambatana na madiwani wa kata mbalimbali wilayani hapa alilazimika

kuendesha harambee ili kuchangia upatikanaji wa idadia mifuko hiyo

ambapo alifanikiwa kutoa mifuko 100 ya saruji papo hapo.

Aidha alitoa agizo kwa mganga mkuu wa wilaya hiyo kuwa ifikapo jumamosi ya

wiki ijayo aweze kwenda eneo la ujenzi wa zahanati hiyo akiwa na

mkandarasi mzoefu wa Halmashauri atakaye toa maelekezo ya kazi kwa fundi

husika wa jengo hilo pia aliwataka wananchi hao kuandaa ratiba za

mkandarasi huyo kutembelea na kukagua maendeleo mbalimbali vya ujenzi wa

zahanati hiyo waliyokubaliana ifikapo june 30 mwaka huu iwe

imekamilika.

“Baada ya hapo ikishafika tarehe 30 ya

mwezi wa sita mwaka huu Boma limekamilika tutakuja tena,tutakuwa na

Halmashauri tutakuja kujadili tunaliezekaje sawa kama ni halmashauri

tutaiomba iezeke kama haiwezi tutatumia njia nyingine mimi nawaomba

madiwani na mwenyekiti wa halmashauri wawe wanafika kukagua maendeleo ya

ujenzi wa zahanati yetu na tarehe hiyo mganga mkuu wa wilaya atakuja

ameandaa taratibu za usajili ili tujue itaanza kazi lini baada ya

kuezekwa”alisema.

Naye mwenyekiti wa Halmashauri hiyo Charles Magoma aliwataka wananchi kutoacha kuwekeza

nguvu zao katika miradi mbalimbali ya maendeleo kijijini hapo kwakuwa

wao ndio wanufaika sambamba na hilo serikali inapeleka huduma za

maendeleo kwa jamii katika maeneo mengi ukizingatia jimbo hilo

kukabiliwa na changamoto nyingi ikiwemo tatizo la vyumba vya madarasa na

hilo la afya katika maeneo mengine.

TIZAMA VIDEO HII UONE KILICHOZUNGUMZWA KATIKA ZIARA YA MBUNGE HUYO.